२०८३ भाद्र १९, शुक्रबार १७:२१
विराटनगर । विराटनगरमा ट्रष्टको काम गर्ने क्रममा लडेर शुक्रबार एक जनाको मृत्यु भएको छ । विराटनगर महानगरपालिका–१२ दरैयाका अन्दाजी ३६ वर्षीय गौरव राजवंशीको मृत्यु भएको प्रहरीले जनाएको छ ।
प्रहरीका अनुसार विराटनगर–३ वन कार्यालयको छेउमा बिजुकुमार थापाको घरमा ट्रष्टको काम गर्ने क्रममा बिहान १० बजेतिर राजवंशी एक तलामाथि खसेका थिए । गम्भीर घाइते अवस्थाका राजवंशीलाई उपचारका लागि विराटनगरको मोरङ सहकारी अस्पताल लगिएको थियो ।
उपचारका क्रममा चिकित्सकले मृत घोषणा गरिदिएको प्रहरीले जनाएको छ । जिल्ला प्रहरी कार्यालय मोरङबाट खटिएको इन्स्पेक्टर लेखनाथ दाहाल नेतृत्वको टोलीले आवश्यक कानुनी प्रक्रिया पूरा गरेर शवलाई पोस्टमार्टमका लागि कोशी अस्पताल पठाएको छ । प्रहरीले घटनाको थप अनुसन्धान गरिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×