काजकिस्तानमाथि नेपालको शानदार जित 

Share this
767shares
मुलुकी खबर
मुलुकी खबर
clock२०८३ असोज ४, आइतबार १७:३७
काजकिस्तानमाथि नेपालको शानदार जित 

काठमाडौं । नेपालले २० औँ एसियाली खेलकुदअन्तर्गत महिला भलिबलमा काजकिस्तानमाथि शानदार जित हात पारेको छ । नेपालले काजकिस्तानलाई ३–० को सोझो सेटमा पराजित गर्दै प्रतियोगितामा प्रभावशाली पुनरागमन गरेको हो ।

नेपालले खेलको सुरुदेखि नै आक्रामक र सन्तुलित प्रदर्शन गर्दै पहिलो सेट २५–२० ले आफ्नो पक्षमा पारेको थियो । दोस्रो सेटमा नेपालले अझ उत्कृष्ट खेल प्रदर्शन गर्दै २५–१६ को सहज जित निकाल्यो ।

तेस्रो सेटमा पनि नेपाली खेलाडीले आफ्नो लय कायम राख्दै २५–२० ले जित हात पारे । लगातार तीन सेट आफ्नो पक्षमा पारेसँगै नेपालले काजकिस्तानविरुद्ध ३–० को स्पष्ट जित सुनिश्चित गरेको हो ।

यसअघि समूह चरणमा भने नेपालको प्रदर्शन अपेक्षाअनुसार हुन सकेको थिएन । नेपाल पहिलो खेलमा जापानसँग र दोस्रो खेलमा इन्डोनेसियासँग पराजित भएको थियो । समूह चरणबाट बाहिरिएपछि नेपालले अब ९ औँ स्थानका लागि प्रतिस्पर्धा गर्नेछ ।

काजकिस्तानविरुद्धको जितले नेपाललाई अन्तर्राष्ट्रिय वरियतामा सुधार गर्ने अवसरसमेत दिएको छ । नेपाल हाल विश्व भलिबल वरियतामा ६९ औँ स्थानमा रहेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.