२०८३ आश्विन ९, शुक्रबार ०९:४३
काठमाडौं । जापानमा जारी २०औँ एसियाली खेलकुदअन्तर्गत पुरुष क्रिकेटमा नेपालले आज शुक्रबार आफ्नो पहिलो खेल खेल्दैछ। नेपालले समूह चरणको पहिलो खेलमा अफगानिस्तानसँग प्रतिस्पर्धा गर्न लागेको हो।
जापानको आइचीस्थित कोरोगी स्पोर्ट्स पार्कमा हुने खेल नेपाली समयअनुसार बिहान पौने ११ बजे सुरु हुनेछ। यसअघि सोही समूहका ओमान र हङकङबीचको खेल जारी छ।
नेपाल समूह ‘ए’ मा अफगानिस्तान र आयोजक जापानसँगै रहेको छ। बिहीबार भएको खेलमा अफगानिस्तानले जापानलाई पराजित गरिसकेको छ।
समूह चरणबाट शीर्ष दुई टोली क्वार्टरफाइनलमा पुग्नेछन्। नेपाल क्वार्टरफाइनलमा पुगेमा भारत वा श्रीलंकामध्ये एक टोलीसँग प्रतिस्पर्धा गर्नेछ। यसअघिको एसियाली खेलकुदमा पनि नेपाल क्वार्टरफाइनलसम्म पुगेको थियो। त्यतिबेला नेपाल भारतसँग पराजित भएको थियो।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×