२०८३ आश्विन ९, शुक्रबार १४:२८
काठमाडौं । एसियाली खेलकुद प्रतियोगिता (एसियाड) अन्तर्गतको पुरुष क्रिकेट प्रतियोगितामा नेपालले आफ्नो पहिलो खेलमै जित हासिल गरेको छ । शुक्रबार जापानको निसिनस्थित कोरोगी स्पोर्ट्स पार्कमा भएको खेलमा नेपालले टेस्ट खेल्ने मुलुक अफगानिस्तानलाई ५ विकेटले हराएको हो ।
समूह ‘ए’ मा रहेको नेपालले यस जितसँगै प्रतियोगितामा २ अंक बटुलेको छ । यसअघि सोही समूहमा रहेको अफगानिस्तानले आयोजक जापानलाई हराई २ अंक हासिल गरिसकेको थियो ।
पहिले ब्याटिङ गर्दै अफगानिस्तानले नेपाल समक्ष १०३ रनको लक्ष्य राखेको थियो । जवाफमा दीपेन्द्रसिंह ऐरीको नेतृत्वमा खेलेको नेपाली टोलीले उक्त लक्ष्य ५ विकेट गुमाई १६ बल बाँकी हुँदै हासिल गर्यो ।
यो जितसँगै नेपालले समूह ‘ए’ मा आफ्नो स्थिति बलियो बनाएको छ, जहाँ नेपाल, अफगानिस्तान र जापान गरी तीनवटा मात्र टोली छन् । जसमध्ये माथिल्लो स्थानमा रहने टोली अर्को चरणमा प्रवेश गर्नेछ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×