समानुपातिक सांसद छान्न दलहरूलाई ३ दिनको समय दिने तयारी

Share this
721shares
मुलुकी खबर
मुलुकी खबर
clock२०८२ फागुन २७, बुधबार १५:०१

काठमाडौं । निर्वाचन आयोगले समानुपातिकतर्फका सांसद छान्न राजनीतिक दलहरूलाई ३ दिनको समय दिने तयारी गरेको छ। आयोगले दलहरूले प्राप्त गरेको मतका आधारमा सिट सङ्ख्या तय गरी बन्दसूचीबाट नाम सिफारिस गर्न पत्राचार गर्ने तयारी गरेको हो।

निर्वाचन आयोगले दलहरूले पाएको कुल सदर मतका आधारमा कुन दलले कति सिट पाउने भन्ने टुङ्गो लगाउने छ। सिट सङ्ख्या तय भएपछि सम्बन्धित दलहरूलाई यसअघि नै बुझाइएको बन्दसूचीबाट उम्मेदवारको नाम सिफारिस गर्न पत्र लेखिने आयोगका सूचना अधिकारी सुमन घिमिरेले बताए।

उनका अनुसार सम्भव भएसम्म आजै बेलुकी वा भोलिसम्ममा दलहरूलाई पत्र लेखिने छ। २१ फागुनमा भएको प्रतिनिधिसभा निर्वाचनका लागि दलहरूले गत पुस १३ र १४ गते समानुपातिकतर्फका उम्मेदवारको बन्दसूची बुझाएका थिए।

२७५ सदस्यीय प्रतिनिधिसभामा १६५ जना प्रत्यक्ष निर्वाचित हुन्छन् भने ११० जना समानुपातिक प्रणालीबाट आउने व्यवस्था छ। प्रत्यक्षतर्फको सबै १६५ सिटको नतिजा आइसकेको छ भने समानुपातिकतर्फको नतिजा पनि केही दिनभित्रै टुङ्गिने छ।

दलहरूले सिफारिस गरेका नामहरू समावेशिताको आधारमा मिले वा नमिलेको पुनः जाँच गरेपछि मात्र आयोगले ११० जना सांसदलाई निर्वाचित भएको प्रमाणपत्र दिनेछ। आयोगले समानुपातिकतर्फका सांसदलाई प्रमाणपत्र दिएलगत्तै निर्वाचनको अन्तिम प्रतिवेदन राष्ट्रपतिसमक्ष बुझाउने तयारी गरेको छ।

तपाइको प्रतिक्रिया
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
© 2024 Muluki Khabar. All Rights Reserved. Design & Develop By: Indesign Media Pvt. Ltd.