विद्यालयमा प्रविधिको पहुँच विस्तार गर्न लक्ष्मी सनराइज बैंकको सहयोग

Share this
731shares
मुलुकी खबर
मुलुकी खबर
clock२०८३ असार ८, सोमबार १८:०८

रंगेली । मोरङको सुनवर्षी नगरपालिका–५ नवाबगञ्जस्थित जनता आधारभूत विद्यालयमा लक्ष्मी सनराइज बैंक लिमिटेडको रंगेली शाखाले संस्थागत सामाजिक उत्तरदायित्व (सीएसआर) कार्यक्रमअन्तर्गत एक थान कम्प्युटर हस्तान्तरण गरेको छ । सोमबार आयोजित कार्यक्रममा बैंकले विद्यालयमा सूचना प्रविधिको पहुँच विस्तार गर्ने उद्देश्यसहित कम्प्युटर उपलब्ध गराएको हो ।

कार्यक्रमलाई सम्बोधन गर्दै सुनवर्षी–५ का वडाध्यक्ष युगेश्वरप्रसाद ठाकुरले शिक्षा क्षेत्रको विकास नै समग्र समाजको विकासको आधार भएको उल्लेख गर्दै विद्यालयको भौतिक तथा प्राविधिक पूर्वाधार सुदृढ बनाउन सबै पक्षको सहकार्य आवश्यक रहेको बताए । विद्यालय समुदायको साझा सम्पत्ति भएकाले यसको संरक्षण, व्यवस्थापन तथा विकासमा स्थानीय समुदायको सक्रिय सहभागिता अपरिहार्य रहेको उनको भनाइ थियो । उनले आगामी दिनमा पनि शिक्षा क्षेत्रको विकासका लागि आवश्यक सहयोग र सहकार्य निरन्तर रहने प्रतिबद्धता व्यक्त गरे ।

विद्यालयका प्रधानाध्यापक वीरेन्द्रप्रसाद साहले बैंकबाट प्राप्त कम्प्युटरले विद्यालयको शैक्षिक वातावरणलाई थप व्यवस्थित, आकर्षक र प्रविधिमैत्री बनाउन सहयोग पुग्ने विश्वास व्यक्त गरे । गुणस्तरीय शिक्षाका लागि आधुनिक प्रविधिको प्रयोग आवश्यक रहेको उल्लेख गर्दै उनले प्राप्त कम्प्युटरले विद्यार्थीको सूचना तथा प्रविधिसम्बन्धी ज्ञान अभिवृद्धिमा महत्वपूर्ण योगदान पुर्‍याउने बताए ।

स्थानीय समाजसेवी कमलेश्वर ठाकुरले विद्यालयको समग्र विकासमा स्थानीय समुदायको भूमिका महत्वपूर्ण रहने उल्लेख गर्दै यस्ता सहयोगमूलक कार्यक्रमले विद्यालयको शैक्षिक तथा भौतिक वातावरण सुधार गर्न मद्दत पुग्ने बताए । विद्यार्थीको उज्ज्वल भविष्य निर्माणका लागि सबै सरोकारवाला पक्ष एकजुट भएर काम गर्नुपर्नेमा उनले जोड दिए ।

विद्यालय व्यवस्थापन समितिका सदस्यहरूले विद्यालयमा भौतिक संरचनासँगै सूचना प्रविधिको पहुँच विस्तार हुनु सकारात्मक पक्ष भएको उल्लेख गर्दै प्राप्त सहयोगको सदुपयोग गरी विद्यालयको शैक्षिक गुणस्तर थप उकास्न प्रतिबद्ध रहने बताएका छन् । कार्यक्रममा बैंकको रंगेली शाखाका प्रमुख प्रमोदहरि पोखरेल, कर्मचारी सुमन कटुवाल, समाजसेवी कमलेश्वर ठाकुर, प्रदीपकुमार यादव, विद्यालय व्यवस्थापन समितिका पदाधिकारी, शिक्षक, विद्यार्थी, अभिभावक, स्थानीय समाजसेवी तथा जनप्रतिनिधिहरूको उपस्थिति रहेको थियो ।

विद्यालयमा प्रविधिमैत्री शिक्षाको वातावरण निर्माण गर्ने उद्देश्यले गरिएको सहयोगले विद्यार्थीहरूलाई सूचना तथा सञ्चार प्रविधिसम्बन्धी ज्ञान हासिल गर्न थप सहज हुने छ ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.