२०८३ श्रावण २, शनिबार १४:३८
काठमाडाैं । बागमती प्रदेश सरकारमा एमालेबाट सहभागी मन्त्रीले राजीनामा दिने भएका छन् । एमालेले सरकारलाई दिएको समर्थन नेकपा (एमाले) ले फिर्ता लिने भएको छ ।
नेपाली कांग्रेसका इन्द्रबहादुर बानियाँ नेतृत्वको सरकारमा एमालेबाट ६ जना मन्त्री सहभागी छन् । उनीहरुले सामूहिक राजीनामा दिने तयारी छ ।
मन्त्रीहरू हेटौंडा बाहिर रहेकाले एमाले संसदीय दलको कार्यालयमार्फत इमेलबाट राजीनामा बुझाउन लागिएको स्वास्थ्य मन्त्री किरण थापाले जानकारी दिए । यसअघि असार ३२ गते नै राजीनामा दिने तयारी गरे पनि पार्टी केन्द्रको निर्देशनपछि उनीहरू रोकिएका थिए ।
राजीनामा दिने मन्त्रीहरूमा मधुसूदन पौडेल, डा. दिनेशचन्द्र देवकोटा, जयराम थापा, भरतबहादुर केसी, किरण थापा र बिन्दु श्रेष्ठ रहेका छन् । मुख्यमन्त्री बानियाँले साउन १ गतेदेखि लागू हुने गरी मन्त्रालयको संख्या १४ बाट घटाएर ८ मा झारेपछि एमालेका मन्त्रीहरूलाई जिम्मेवारीविहीन बनाएका छन् ।
एमालेले समर्थन फिर्ता लिए बागमती प्रदेश सरकार अल्पमतमा पर्नेछ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×