२०८३ श्रावण ५, मंगलबार १३:५९
विराटनगर । मोरङको सुन्दरहरैँचास्थित सुकुना माध्यमिक विद्यालयका छात्रामाथि दुर्व्यवहार गरेको आरोपमा थप एक शिक्षक पक्राउ परेका छन् । फरार रहेका संगीत शिक्षक भीम नेपाललाई प्रहरीले मंगलबार नियन्त्रणमा लिएको हो । यससँगै यो प्रकरणमा पक्राउ पर्नेको संख्या चार पुगेको छ ।
यसअघि प्रहरीले विद्यालयका लेखा अधिकृत र शिक्षक अविरल मास्के, शिक्षक किशोरलाल गच्छदार र बस चालक प्रदीप भट्टराईलाई पक्राउ गरेकाे थियाे ।
सामाजिक सञ्जालमा सार्वजनिक भएका च्याट र प्राप्त उजुरीका आधारमा उनीहरूलाई नियन्त्रणमा लिइएको जिल्ला प्रहरी कार्यालय मोरङले जनाएको छ ।
विद्यालयले आरोपितमध्ये मास्के, नेपाल र भट्टराईलाई यसअघि नै निलम्बन गरिसकेको छ । घटनाकाे बारेमा सुक्ष्म अनुसन्धान भइरहेको माेरङ प्रहरीका डीएसपी मकेन्द्रकुमार मिश्रले जानकारी दिए ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×