२०८३ भाद्र १८, बिहीबार १५:०१
काठमाडौं । नेपाली कांग्रेसका नेता तथा पूर्वमन्त्री डा. मिनेन्द्र रिजालले भोटेकोशी नदीमा आएको बाढीबाट प्रभावितहरूको राहत र पुनर्स्थापनाका लागि आर्थिक सहयोग गरेका छन् ।
डा. रिजाल र उनकी धर्मपत्नी दुर्गा रिजालले संयुक्त रूपमा प्रधानमन्त्री दैवी प्रकोप उद्धार कोषमा १ लाख रुपैयाँ जम्मा गरेका हुन् । भोटेकोशी नदीमा आएको बाढीका कारण प्रभावित बनेका परिवारहरूलाई राहत प्रदान गर्न थोरै भए पनि सहयोग पुगोस् भन्ने उद्देश्यले सो रकम जम्मा गरिएको डा. रिजालले जानकारी दिएका छन् ।
प्राकृतिक विपत्तिको यस कठिन समयमा पीडितहरूको घाउमा मलम लगाउन आफ्नो तर्फबाट सानो सहयोग गरेको रिजाल दम्पतीले बताएका छन् ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×