२०८३ आश्विन ७, बुधबार ०७:०९
विराटनगर । इलामको रोङ गाउँपालिका–५ देवनथापमा मंगलबार साँझ दाउरा बोकेको ट्र्याक्टर दुर्घटना हुँदा चालकको मृत्यु भएको छ ।
देवनथापबाट झापाको बुद्धशान्तितर्फ जाँदै गरेको प्रदेश १–०४–००१ त १२३६ नम्बरको ट्र्याक्टर भित्री सडकखण्डमा आफैं अनियन्त्रित भएर साँझ करिब ७ः३० बजेतिर दुर्घटनामा परेको प्रहरीले जनाएको छ । प्रहरीका अनुसार दुर्घटनामा ट्रायाक्टर चालक झापाको मेचीनगर नगरपालिका–५ नकलबन्दाका अन्दाजी ४० वर्षीय अमित धिमालको मृत्यु भएको हो ।
धिमाल ट्र्याक्टरको अगाडिको भागले थिचिएको अवस्थामा मृत फेला परेका थिए । प्रहरीका अनुसार चिप्लो सडकका कारण दुर्घटना भएको प्रारम्भिक अनुसन्धानबाट खुलेको छ । प्रहरीले घटनाको विस्तृत अनुसन्धान गरिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×