सुनचाँदीको मूल्य घट्यो

विराटनगर । नेपाली बजारमा आज (बुधबार) सुन र चाँदी दुवैको मूल्य घटेको छ ।

नेपाल सुनचाँदी व्यवसायी महासंघका अनुसार सुनको मूल्य प्रतितोला २ हजार ७ सय रूपैयाँले घटेको छ । भाउ घटेसँगै सुन तोलाको २ लाख ८९ हजार ५ सय रूपैयाँमा किनबेच भइरहेको छ । सुनको मूल्य मंगलबार २ लाख ९२ हजार २ सय रुपैयाँ थियो ।

त्यस्तै, चाँदीको मूल्य प्रतितोला सय रुपैयाँले घटेको छ । भाउ घटेसँगै चाँदी तोलाको ४ हजार २ सय ५५ रूपैयाँमा कारोबार भइरहेको छ । चाँदीको मूल्य मंगलबार प्रतितोला ४ हजार ३ सय ५५ रुपैयाँ थियो ।