२०८३ कात्तिक ६, शुक्रबार २०:४२
विराटनगर । सुनसरीको इनरुवामा दुई जनाले चक्कु प्रहार गर्दा एक जना घाइते भएका छन् । घाइते हुनेमा इनरुवा नगरपालिका–२ का ३९ वर्षीय अकतर खान रहेको प्रहरीले जनाएको छ । प्रहरीका अनुसार उनको टाउको, ढाड र दाहिने हातमा चोट लागेको छ।
बिहीबार राति १०ः५० बजेतिर इनरुवा नगरपालिका–२ मा सोही स्थानका ४० वर्षीय बहाब अन्सारी र ४५ वर्षीय नवाब अन्सारीले खानमाथि धारिलो हतियार प्रहार गरेको प्रारम्भिक अनुसन्धानबाट खुलेको प्रहरीले जनाएको छ ।
घाइते खानलाई जिल्ला अस्पताल इनरुवामा सामान्य उपचारपछि थप उपचारका लागि विराटनगरस्थित गोल्डेन अस्पताल रेफर गरिएको छ। उनको अवस्था मध्यम रहेको र बोल्न सक्ने अवस्थामा रहेको प्रहरीले जनाएको छ।
घटनामा संलग्न नवाब अन्सारीलाई प्रहरीले नियन्त्रणमा लिएको छ भने फरार रहेका बहाब अन्सारीको खोजी भइरहेको छ। घटनाबारे थप अनुसन्धान भइरहेको जिल्ला प्रहरी कार्यालय सुनसरीले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×