२०८३ कात्तिक ६, शुक्रबार १२:१७
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने तीनदिने निजी भ्रमणका लागि भारत प्रस्थान गरेका छन्। उनी पत्नी निकिता लामिछाने र मन्त्री प्रतिभा रावलसहित भारततर्फ गएका हुन्।
लामिछाने आज बिहान काठमाडौंको त्रिभुवन अन्तर्राष्ट्रिय विमानस्थलबाट हवाईमार्ग हुँदै धनगढी पुगेका थिए। धनगढीबाट उनीहरू स्थलमार्ग हुँदै भारत जाने कार्यक्रम रहेको छ।
लामिछानेको सचिवालयले उक्त भ्रमणलाई निजी तथा पारिवारिक तीर्थाटनका रूपमा व्याख्या गरेको छ। भ्रमणका क्रममा उनले परिवारसहित भारतका विभिन्न धार्मिक स्थलमा पूजाअर्चना गर्ने कार्यक्रम रहेको जनाइएको छ।
तीनदिने भ्रमणका क्रममा लामिछानेले भारतको उत्तराखण्डस्थित नैनीतालमा रहेको कैंची धाम र आसामको गुवाहाटीस्थित कामाख्या मन्दिरको दर्शन गर्नेछन्।
आध्यात्मिक तथा पारिवारिक भ्रमण सम्पन्न गरी लामिछाने तीन दिनपछि स्वदेश फर्किने उनको सचिवालयले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×