
सर्लाही । सर्लाहीको गोडैता नगरपालिका–१२ बाट पेस्तोल र नक्कली नोटसहित दुई जना भारतीय नागरिकलाई प्रहरीले सोमबार बिहान पक्राउ गरेको छ ।
भारत बिहार सितामढीका २६ वर्षीय कुन्नु पटेल र ३० वर्षीय मुकेश पटेललाई पक्राउ गरिएको प्रहरीले जनाएको छ । प्रहरीका अनुसार पक्राउ परेकाको साथबाट एउटा नलकटुवा पेस्तोल, ६ राउण्ड गोली, २० हजार नक्कली नोट, अर्को पेस्तोलमा प्रयोग हुने ४ राउण्ड गोली बरामद भएको छ ।
भारतीय भूमिबाट नेपालको मधुवनीतर्फ आउँदै गरेका दुवै जनालाई प्रहरीले हतियार र नक्कली नोटसहित पक्राउ गरेको हो । पक्राउ परेकाको विषयमा प्रहरीले थप अनुसन्धान गरिरहेको छ ।

























