विद्यार्थीहरूले समयको महत्त्व बुझ्न जरुरी छ : सांसद मण्डल 

Share this
741shares
मुलुकी खबर
मुलुकी खबर
clock२०८२ बैशाख २७, शनिबार १८:१०

विराटनगर । विराटनगरको इडेनबर्ग कलेजले नयाँ विद्यार्थीलाई स्वागतका साथ पढाइ पूरा भएकालाई बिदाइ गरेको छ ।

कलेजले आयोजना गरेको विद्यार्थी स्वागत तथा बिदाइ कार्यक्रमका प्रमुख अतिथि मोरङ क्षेत्र नम्बर ५ का सांसद योगेन्द्र मण्डलले विद्यार्थीहरूले समयको महत्त्व बुझ्न जरुरी रहेकाे बताए ।

उनले समयको महत्त्व बुझ्दै, कुनै पनि काम समयमा गर्‍यो भने उ सधैँ अघि बढ्न सक्ने र आफूलाई एउटा अब्बल व्यक्ति बनाउन सक्ने बताए ।

जबसम्म कसैले पनि समय र कामको महत्त्व बुझ्दैन तबसम्म केही गर्न सक्दैन । अझ विद्यार्थीले समयको ख्याल गर्न जरुरी छ, उनले भने ।

विद्यार्थीलाई प्राविधिक र व्यवहारिक शिक्षा अनिवार्य रहेको बताउँदै, मण्डलले भने, ‘प्राविधिक सीपयुक्त शिक्षा आजको आवश्यकता बनेको छ । कसैले पनि कामको वर्गीकरण गर्न हुँदैन । काम सानो वा ठुलो भन्ने हुँदैन । जसले कामको महत्त्व बुझ्न सक्छ उ अघि बढ्छ । त्यसले गर्दा काम सानोबाटै गर्न विद्यार्थीहरूलाई आग्रह गर्छु ।’

क्याम्पस प्रमुख दीपेन्द्र साह (डीके)ले विद्यार्थीलाई संस्कार र सीपसहितको गुणस्तरीय शिक्षा प्रदान गर्दै कलेज अघि बढिरहेको बताए ।

उनले कलेजबाट विद्यार्थी निस्कँदा पढाइको सर्टिफिकेट मात्रै नभए एउटा दक्ष जनशक्ति तयार पार्ने भएकाले विद्यार्थीहरूको रोजाइमा कलेज पर्ने गरेको बताए ।

त्यस्तै, कलेजका सञ्चालक भुवन नेपालले राष्ट्र निर्माणको आधारशिला सक्षम जनशक्ति भएको उल्लेख गर्दै इडेनबर्ग कलेज दक्ष र योग्य जनशक्ति उत्पादनमा केन्द्रित रहेको जानकारी दिए ।

त्रिभुवन विश्वविद्यालयबाट मान्यता प्राप्त विराटनगरमा महेन्द्र मोरङ कलेजपछि सबैभन्दा बढी विद्यार्थी अध्ययन गर्ने कलेज रहेको बताउँदै, नेपालले भने, ‘कलेजमा बीबीएस, बीएड र आइटीसम्बन्धी विभिन्न कोर्स पढ्नका लागि कोशी, मधेस र बागमतीबाट विद्यार्थीहरू आउने गरेका छन् । विद्यार्थीलाई पढाइ मात्रै होइन । उनीहरूको रुचि र चाहना अनुसार पढाइपछि लोकसेवाको तयारी, शिक्षा सेवा आयोग र प्रहरी प्रशासन सेवाका लागि आवश्यक पर्ने थप कक्षाको व्यवस्था गरिएको छ ।’

कलेजले कृष्ण देवानी स्मृति छात्रवृत्ति पुरस्कार २ जना विद्यार्थीलाई प्रदान गरेको छ । कलेजको बीबीएस तेस्रो वर्षमा अध्ययनरत प्रेम रौनियार र आरिफ अन्सारीलाई प्रदान गरिएको हो ।

कलेजमा १ हजार ३ सय ६५ जना विद्यार्थी अध्ययनरत छन् । कार्यक्रममा कलेजले यस वर्ष बीबीएस र बीएड प्रथम वर्षमा भर्ना भएका ४ सय ४२ जना विद्यार्थीलाई स्वागत गरेको छ भने बीबीएस र बीएड तह पूरा गरेको १ सय ६० जना विद्यार्थीलाई बिदाइ गरिएको थियो ।

सो अवसरमा विद्यार्थीहरूले सांस्कृतिक नृत्य, गीत प्रस्तुत गरेका थिए ।

 

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.