२०८१ भाद्र ५, बुधबार ०८:१३ 
संखुवासभा । संखुवासभाको पाँचखपन नगरपालिका–२ टाइगर चोकस्थित नागरिक आरोग्य केन्द्रका वैध (स्वास्थ्यकर्मी)लाई हातपात एवं दुर्व्यवहार गर्ने व्यक्ति पक्राउ परेका छन् ।
पाँचखपन–२ स्याबुनका ४० वर्षीय भीषण जीमीलाई पक्राउ गरिएको जिल्लाका प्रहरी कार्यालय संखुवासभाका इन्सपेक्टर रामकुमार लामिछानेले जानकारी दिए । उनका अनुसार जीमीले गत आइतबार स्वास्थ्यकर्मीलाई गालीगलौज गर्दै हातपात एवं दुर्व्यवहार गरेका थिए ।
इलाका प्रहरी कार्यालय वानाबाट खटिएको टोलीले उनलाई पक्राउ गरेको हो । जीमीविरुद्ध अभद्र व्यवहार मुद्दा चलाउन अदालतबाट म्याद थप गरेर अनुसन्धानको बाँकी प्रक्रिया अघि बढाइएको प्रहरीले जनाएको छ ।
प्रकाशित मिति: २०८१ भाद्र ५, बुधबार ०८:१३ 
इमेल: mulukikhabarko@gmail.com
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी