विराटनगरमा रक्तदाता सञ्जाल बनाउँदै एमाले

Share this
701shares
मुलुकी खबर
मुलुकी खबर
clock२०८१ असोज १६, बुधबार १९:०३

विराटनगर । नेकपा (एमाले) विराटनगर महानगर कमिटीले रक्तदाता सञ्जाल बनाउने भएको छ । सञ्जाल बनाउन अभियान सुरु गर्ने एमालेको तयारी छ ।

रगत अभावमा बिरामले ज्यान गुमाउन नपरोस् भन्ने उद्देश्यका साथ सञ्जाल निर्माण गर्न लागिएको एमालेले जनाएको छ । कोशी प्रदेशको राजधानी विराटनगरका अस्पतालहरुमा बिरामीहरुका लागि रगतको अभाव हुने गरेको छ ।

रगत अभावलाई मध्यनजर गर्दै महानगर कमिटीको बुधबार बसेको पूर्ण बैठकबाट महानगरभित्रका पार्टी सदस्यलाई समेटेर रक्तदाता सञ्जाल निर्माण गर्ने निर्णय भएको एमाले विराटनगरका सचिव बलराम गिरीले बताए । उनका अनुसार महानगर र मातहतका कमिटीहरूका प्रत्येक बैठक तथा कार्यक्रमहरुका ‘माइन्यूट’मा रगत समूहको अभिलेख राख्ने व्यवस्था मिलाइने छ ।

बैठकले पार्टीका महानगर कमिटी सदस्य सुदीप कोइरालालाई विराटनगर महानगर कमिटीको प्रचार तथा प्रकाशन विभाग प्रमुख तथा कमिटीको प्रवक्ताको जिम्मेवारी दिएको छ । पार्टीको महानगर कमिटीले दसैं, तिहार, नेपाल सम्बत, छठ, इदलगायतका चाडपर्वको अवसरमा यही असोज १९ गते शुभकामना आदानप्रदान तथा चियापान कार्यक्रम गर्ने भएको छ ।

कोशी प्रदेशका संस्थापक मुख्यमन्त्री एवं पार्टीका स्थायी कमिटी सदस्य, कोशी प्रदेश इन्चार्ज शेरधन राईको प्रमुख आतिथ्यतामा कार्यक्रम हुने छ । बैठकले महानगर कमिटीका सदस्य शेखर विश्वासका पिता जयनारायण विश्वास र पार्टी जिल्ला कमिटीका सचिव रविन थापाका भाइ कृष्ण थापाको निधनप्रति दुःख व्यक्त गर्दै मृतकहरु प्रति श्रद्धाञ्जली अर्पण गरी परिवारजनमा समवेदनासहित शोक प्रस्ताव पारित गर्ने निर्णय गरेको छ ।

एमालेले महानगर कमिटी र टोल कमिटीका पदाधिकारीहरुलाई अभिमुखीकरण कार्यक्रमसमेत सञ्चालन गरेको छ । अभिमुखीकरणलाई नेकपा (एमाले)का केन्द्रीय सदस्य तथा मोरङ ईन्चार्ज जीवन घिमिरे तथा एमाले प्रदेश कमिटी सदस्य एवं महानगर इन्चार्ज पर्शुराम बस्नेतले सहजीकरण गरेका थिए ।

महानगर कमिटीका अध्यक्ष रोहित कोइरालाको अध्यक्षतामा सम्पन्न बैठकमा पार्टी जिल्ला अध्यक्ष बाबुराम कार्कीलगायतले धारणा राखेका थिए । पार्टीको महानगर संगठन कमिटी गठनपछि शपथ लिन छुटेकालाई
बधुबार नै शपथग्रहण गराइएको छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.