कता फर्किएर लगाउने दसैंको टीका ?

Share this
726shares
मुलुकी खबर
मुलुकी खबर
clock२०८१ असोज २६, शनिबार ०८:१९

काठमाडौं । विजयादशमीको मुख्य दिन आज मान्यजनको हातबाट रातो टीका र जमरा लगाइँदै छ । टीकालाई शुभ साइतको प्रतीक र जमरालाई समृद्धिको प्रतीकको रुपमा लगाउने चलन छ ।

बिहान साढे ८ बजे देवी विसर्जन गरेपछि टीका लगाउन सकिन्छ । उत्तम साइत भने ११:३६ मिनेटमा तोकिएको छ ।

परम्परा अनुसार टीका लगाउनेले पूर्व फर्किएर बस्नुपर्छ । पूर्वपट्टि फर्केर टीका थाप्ने र पश्चिम फर्केर लगाइदिने परम्परा पुरानो हो ।

दक्षिणतिर पितृकर्म मात्रै गरिने भएकाले दक्षिण फर्किने चलन छैन । नेपाल पञ्चाङ्ग निर्णायक विकास समितिका सदस्य डा‍. बासुदेव कोइरालाले टीका लगाइमाग्ने व्यक्ति पूर्व फर्किने र लगाइदिने व्यक्ति पश्चिम फर्किनुपर्ने बताए ।

दुर्गा विसर्जन गरेपछि टीका लगाउन सुरु गरिन्छ । सुरुमा कुलदेवता, पितृदेवतालाई टीका चढाउने गरिन्छ । घरको मूल ढोकामाथि टीका लगाइदिने परम्परा छ । त्यसपछि मान्यजनबाट टीका लगाइन्छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.