
चितवन । चितवनको इलाका प्रहरी कार्यालयमा रहेका एक जना थुनुवाको आज मृत्यु भएको छ ।
इलाका प्रहरी कार्यालय रत्ननगर टाँडीको हिरासत कक्षमा रहेका रत्ननगर नगरपालिका–१३ का ४५ वर्षीय महमद क्यामोदिनको आज बिहान मृत्यु भएको जिल्ला प्रहरी कार्यालय चितवनले जनाएको छ ।
कात्तिक १ गते अपराधिक लाभ कसुरमा पक्राउ परेका उनीमाथि अनुसन्धानका लागि पाँच दिनको म्याद थप भएको थियो ।
चितवन प्रहरीका अनुसार आज बिहान पौन ५ बजेतिर थुनुवा कक्षको बाथरुमको ढोका छेउमा घोप्टो अवस्थामा क्यामोदिन फेला परेका थिए ।
तत्कालै उपचारका लागि भरतपुर अस्पताल पुर्याउनासाथ चिकित्सकले मृत घोषणा गरेको र घटनाको अनुसन्धान थालेको प्रहरीले जनाएको छ ।

























