रवि पक्राउको विरोधमा प्रदर्शन

Share this
738shares
मुलुकी खबर
मुलुकी खबर
clock२०८१ कात्तिक ३, शनिबार १४:०४

पोखरा । पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेलाई पक्राउ गरिएको विरोधमा शनिबार पोखरामा प्रदर्शन गरिएको छ ।

रविलाई शुक्रबार काठमाडौंबाट पक्राउ गरेर सडक मार्ग हुँदै पोखरा पुर्याइएको थियो । त्यसकै विरोधमा रास्वपाले प्रदर्शन गरेको हो । रास्वपाका शीर्ष नेताकै उपस्थितिमा प्रदर्शन भएको हो । साथै विभिन्न स्थानबाट नेता कार्यकर्ता पोखरा पुगेका छन् ।

सहकारी ठगी र संगठित अपराधमा अनुसन्धानका लागि लामिछानेलाई शुक्रबार जिल्ला अदालत कास्कीको अनुमति लिएर प्रहरीले पक्राउ गरेको हो । राजनीतिक प्रतिशोध गरेर पार्टी सभापतिलाई सहकारी र संगठित अपराधमा पक्राउ गरिएकोले जनतालाई यसबारे सचेत गराउन प्रदर्शन र सभा गरिएको रास्वपा गण्डकीका संगठन विभाग सचिव एकराज न्यौपानेले बताए।

रास्वपाको प्रदर्शन र भेलालाई मध्यनजर गरेर पोखराको सुरक्षा व्यवस्था कडा पारिएको छ । सूर्यदर्शन सहकारीका संस्थापक अध्यक्ष गितेन्द्रबाबु (जीबी) राईसँग मिलेर लामिछानेले गोर्खा मिडिया नेटवर्कमा रकम ल्याएर अपचलन गरेको आरोप लाग्दै आएको छ ।

उनलाई जिल्ला प्रहरी कार्यालय कास्कीको हिरासतमा राखिएको छ । अदालतबाट आइतबार म्याद थप गरेर अनुसन्धानको थप प्रक्रिया अघि बढाउने प्रहरीको तयारी छ ।

काठमाडौंमा पनि प्रदर्शन

यसैबीच, लामिछाने पक्राउको विरोधमा काठमाडौंमा पनि प्रदर्शन गरिएको छ । लामिछानेलाई राजनीतिक प्रतिशोध राखेर पक्राउ गरिएको भन्दै माइतीघरमा रास्वपाको आयोजनामा प्रदर्शन भएको हो ।

विरोध प्रदर्शनमा सहभागीहरूले सरकारको कदमको खुलेर विरोध गरेका छन् । प्रदर्शनकारीले सरकारमा दुईतिहाइको घमण्ड देखिएको भन्दै आक्रोस व्यक्त गरे ।

उनीहरुले लामिछाने सहकारी ठगी प्रकरणमा निर्दोश रहेको दाबी गरे । वास्तविक सहकारी ठगीमा संलग्नलाई भने कारबाहीको दायरामा ल्याउन प्रदर्शनकारीले माग गरेका छन् ।

 

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.