सरकारका सय दिने उपलब्धि सार्वजनिक गर्ने तयारी

Share this
698shares
मुलुकी खबर
मुलुकी खबर
clock२०८१ कात्तिक ६, मंगलबार १२:००

काठमाडौं । सरकारले आफ्ना सय दिने उपलब्धि सार्वजनिक गर्ने तयारी गरेको छ । नेकपा (एमाले)का अध्यक्ष केपी शर्मा ओलीको नेतृत्वमा सरकार गठन भएको सय दिन पूरा हुँदै गर्दा उपलब्धि सार्वजनिक गर्ने तयारी भइरहेको हो ।

सय दिन पूरा भएको अवसरमा ओलीले सरकारका कामकारबाही र प्रगतिका बारेमा बुधबार जानकारी गराउने भएका हुन् । तर, पत्रकार सम्मेलन कि सम्बोधनमार्फत भनेर यकिन भइसकेको छैन ।

समय र कार्यक्रमको स्वरूपबारे प्रधानमन्त्रीले आन्तरिक छलफल गरिरहेको उनको सचिवालयले जनाएको छ । सबै मन्त्रीहरूले आ–आफ्नो क्षेत्राधिकारभित्र भएका कामकारबाहीको प्रगति प्रधानमन्त्री ओलीलाई बुझाइसकेका छन् ।

ओली असार ३० गते प्रधानमन्त्री नियुक्त भएका हुन् । असार १७ गते एमाले र नेपाली कांग्रेसबीच भएको ७ बुँदे सहमतिका आधारमा ओली प्रधानमन्त्री बनेका थिए । भदौ १७ गते मन्त्रीहरूसँग कार्यसम्पादन सम्झौता गरेका थिए ।

राजनीतिक स्थिरता र संविधान संशोधनलाई प्रमुख एजेन्डा बनाएर सुरु भएको कांग्रेस–एमाले सत्ता सहयात्रामा अरु साना दल पनि सहभागी छन् । सरकारको कार्यशैली भने निराशाजनक छ ।

मुलुकलाई समृद्ध बनाउने, राजनीतिक स्थिरता कायम गर्ने, कानुन कार्यान्वयनलाई प्रभावकारी बनाउनेभन्दा पनि सरकार ‘इगो’का आधारमा अघि बढिरहेको प्रष्ट हुने विश्लेषकहरु बताउँछन् । अर्कोतर्फ सेवा प्रवाह पनि सन्तोषजनक छैन ।

सर्वसाधारणको चासो र सरोकार रहेका सरकारी कार्यालयको सेवा प्रवाहमा कुनै सुधार हुन नसकेको सेवाग्राहीहरूको गुनासो बढ्दो छ । महँगी र भ्रष्टाचार नियन्त्रण तथा आर्थिक अवस्था चलायमान पार्ने ठोस योजना सरकारले ल्याउन सकेको छैन ।

प्राकृतिक विपतमा समेत सरकारले प्रभावकारी भूमिका निर्वाह गर्न नसकेको तथ्य लुकेको छैन । विपतको पूर्वतयारीमा चुकेको सरकारले विपतपछिको राहत, उद्धार र पुनःस्थापनामा समेत प्रभावकारी भूमिका खेल्न सकेन ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.