
काठमाडौं । सभापति रवि लामिछाने पक्राउको विरोधमा पोखरामा आन्दोलनरत राष्ट्रिय स्वतन्त्र पार्टी (रास्वपा)ले आफ्ना नेता कार्यकर्तालाई निगरानीमा राखेको छ ।
कार्यकर्ताले मनोरञ्जनका फोटा पोस्ट गरेकाले पार्टीको अनुशासन विभागले आन्दोलनसम्बन्धी सामग्री मात्र सामाजिक सञ्जालमा पोस्ट गर्न निर्देशन दिएको छ ।
विभागले कार्यकर्ताहरूलाई पठाएको म्यासेजमा पोखरामा रहेका कार्यकर्ताले घुमफिर वा मनोरञ्जनका तस्वीर समाजिक सञ्जालमा पोस्ट गरे कारबाही गरिने चेतावनी दिइएको छ ।
रास्वपाले सभापति लामिछानेको पक्राउविरुद्ध प्रत्येक जिल्लाबाट कम्तीमा १०० जना कार्यकर्तालाई पोखरामा आन्दोलनमा सहभागी हुन निर्देशन दिएको छ ।
सूर्यदर्शन सहकारी ठगी प्रकरणमा शुक्रबार काठमाडौंबाट पक्राउ गरेर पोखरा पु¥याइएका सभापति लामिछाने कास्की प्रहरीको हिरासतमा छन् ।

























