तास खेल्दै गरेका ४ जना सुनवर्षीबाट पक्राउ

Share this
693shares
मुलुकी खबर
मुलुकी खबर
clock२०८१ कात्तिक ८, बिहीबार २०:२७

विराटनगर । तास खेल्दै गरेको अवस्थामा बिहीबार साँझ मोरङको सुनवर्षीबाट ४ जना पक्राउ परेका छन् ।

सुनवर्षी नगरपालिका–९ भेडवाथानका ५३ वर्षीय कहरसिंह राजवंशीको घरको कोठामा तास खेल्दै गरेको अवस्थामा राजवंशीसहित सुनवर्षी–९ का ४७ वर्षीय सुरेशप्रसाद साह, सुनवर्षी–६ का ३७ वर्षीय नित्यानन्द सुतिहार र रंगेली नगरपालिका–७ का ४६ वर्षीय उमेश पौदार पक्राउ परेका हुन् ।

विशेष सूचनाका आधारमा इलाका प्रहरी कार्यालय रंगेलीका इन्स्पेक्टर सन्तोषकुमार खड्का नेतृत्वको टोलीले साँझ ५ः३० बजेतिर तासको खालमा छापा हानेको थियो । खालबाट ३ बुक तास र १ लाख ८२ हजार रूपैयाँ नगद बरामद भएको मोरङ प्रहरीका प्रवक्ता डीएसपी वेदप्रकाश जोशीले जानकारी दिए ।

उनका अनुसार पक्राउ परेकाहरुलाई इलाका प्रहरी कार्यालय रंगेलीको हिरासतमा राखेर थप अनुसन्धान सुरु गरिएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.