काठमाडौं । मन्त्रिपरिषद् बैठक आज (मंगलबार) बस्दै छ । प्रधानमन्त्री केपी शर्मा ओलीले बैठक बोलाएका हुन् ।
प्रधानमन्त्रीको सचिवालयका अनुसार बैठक साँझ ५ बजे सिंहदरबारमा बस्नेछ । प्रधानमन्त्री ओलीको व्यस्तताले सोमबार बस्नुपर्ने नियमित बैठक बस्न सकेन ।
आजको बैठकमा समसामयिक विषयका साथै प्रधानमन्त्री ओलीको चीन भ्रमणका बारेमा पनि छलफल हुने बताइएको छ । प्रधानमन्त्री ओलीले मंसिरको पहिलो साता चीन भ्रमणमा जाने तयारी गरिरहेका छन् ।