
काठमाडौं । राष्ट्रिय स्वतन्त्र पार्टीका सभापति रवि लामिछानेलाई पक्राउको विरोधमा सडकमा उत्रिएका रास्वपा कार्यकर्तामाथि प्रहरीलेअश्रुग्यास प्रहार गरेको छ ।
प्रहरी नियन्त्रणमा रहेका लामिछानेलाई प्रहरीले म्याद थपका लागि आज अदालत लगेको थियो । सडकमा सभापति पक्राउको विरोधमा प्रदर्शनमा उत्रिएका रास्वपा कार्यकर्ताले निषेधित क्षेत्र प्रवेश गर्न खोजेपछि प्रहरीले अश्रुग्यास प्रहार गरेको हो । सहिदचोक जान खोजेपछि बल प्रयोग गरेको प्रहरीले जनाएकाे छ ।
प्रदर्शनमा सहभागीहरूले लामिछानेको रिहाइको माग गर्दै प्रतिशोधपूर्ण राजनीति नगर्न सरकारसँग माग गरेका छन् ।
सहकारी ठगी प्रकरणमा अनुसन्धानका लागि तेस्रो पटक म्याद थपका लागि लामिछानेलाई मंगलबार कास्की जिल्ला अदालतमा लगिएको थियो ।

























