मोरङको ग्रामथानमा मुख्य निर्वाचन अधिकृतको कार्यालय स्थापना

Share this
687shares
मुलुकी खबर
मुलुकी खबर
clock२०८१ कात्तिक ३०, शुक्रबार १४:५२

विराटनगर । स्थानीय तहको आगामी उपनिर्वाचनलाई लक्षित गर्दै मोरङको ग्रामथान गाउँपालिकामा शुक्रबार मुख्य निर्वाचन अधिकृतको कार्यालय स्थापना गरिएको छ ।

जिल्ला अदालत मोरङका न्यायाधीश एवं मुख्य निर्वाचन अधिकृत उद्धवप्रसाद भट्टराईले ग्रामथानको तेतरियामा कार्यालयको उद्घाटन गरेका हुन् । ग्रामथान गाउँपालिकाको कार्यालयमा रहने गरी मुख्य निर्वाचन अधिकृतको कार्यालय स्थापना गरिएको छ ।

कार्यालय स्थापनासँगै मुख्य निर्वाचन अधिकृत भट्टराईले सर्वदलीय छलफलसमेत राखेका छन् । निर्वाचनमा भाग लिने सबै दल सहभागी छलफलमा आगामी निर्वाचनलाई स्वच्छ, मर्यादित र भयरहित रूपमा सम्पन्न गर्न राजनीतिक दलको भूमिका महत्त्वपूर्ण हुने उनले बताए ।

राजनीतिक दलका नेताहरुले पनि निर्वाचनलाई भयरहित हिसाबले सम्पन्न गर्न आफूहरु प्रतिबद्ध रहेको बताएका छन् । मुख्य निर्वाचन अधिकृत भट्टराईले निर्वाचन कार्यक्रम आगामी मंसिर २ गतेबाट सुरु हुने जानकारी दिए ।

निर्वाचन आयोगले मंसिर २ गते उम्मेदवारको मनोनयन गर्ने समय तोकेको छ । उम्मेदवारी दर्ता बिहान १० बजेबाट सुरु हुने छ । निर्वाचन अधिकृतको कार्यालयले मनोनयन दर्ताका लागि राजनीतिक दलहरूलाई समय दिएको छ ।

कोशी प्रदेश निर्वाचन कार्यालय विराटनगरका प्रमुख चोलाराज दंगालले निर्वाचन आचारसंहिता, मनोनयन दर्ताका लागि आवश्यक विषयका बारेमा जानकारी दिएका छन् । मोरङको ग्रामथानमा ७ वटा वडा छन् । २६ हजार ४४ मतदाता रहेको निर्वाचन आयोगले जनाएको छ ।

२०७९ को निर्वाचनबाट ग्रामथानको अध्यक्षमा निर्वाचित जयप्रकाश गच्छदारको गत असार ३ गते निधन भएको थियो । उनको निधनसँगै रिक्त रहेको अध्यक्ष पदका लागि उपनिर्वाचन हुन लागेको हो ।

आगामी मंसिर १६ गते स्थानीय तहको उपनिर्वाचन हुँदै छ । मुलुकभर ४४ पदका लागि उपचुनाव हुने भएको हो । उपनिर्वाचन हुने स्थानहरुमा शुक्रबार मुख्य निर्वाचन अधिकृतको कार्यालय स्थापना गरिएको छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.