उपनिर्वाचनको मनोनयन दर्ता सुरु, ग्रामथानमा दललाई दिइयो अलगअलग समय

Share this
689shares
मुलुकी खबर
मुलुकी खबर
clock२०८१ मंसिर २, आइतबार १०:३०

विराटनगर । आगामी मंसिर १६ गतेको उपनिर्वाचनका लागि उम्मेदवारको मनोनयन दर्ता सुरु भएको छ । उम्मेदवारलाई मनोनयन दर्ताका लागि बिहान १० बजेदेखि साँझ ५ बजेसम्मको समय दिइएको छ ।

आयोगले दिएको समय सुरु भएसँगै मनोनयन दर्ताका लागि विभिन्न दलहरु आआफ्ना उम्मेदवार लिएर मुख्य निर्वाचन अधिकृतको कार्यालयमा जाने क्रम सुरु भएको छ । निर्वाचन आयोगले तोकेको योग्यता पुगेका राजनीतिक दलबाट उठ्ने तथा स्वतन्त्र उम्मेदवारहरुले मुख्य निर्वाचन अधिकृतको कार्यालयमा गएर उम्मेदवारी दिन सक्ने छन् ।

स्थानीय तहमा रिक्त जिल्ला समन्वय समितिका प्रमुख दुई, गाउँपालिका अध्यक्ष दुई, उपाध्यक्ष चार, नगरपालिका प्रमुख र उपप्रमुख एक/एक र वडाध्यक्ष ३४ गरी जम्मा ४४ रिक्त पदका लागि उपचुनाव हुने छ । मनोनयनको समय सकिएपछि साँझ ५ देखि ६ बजेसम्ममा उम्मेदवारको सूची प्रकाशन हुने छ ।

यसैबीच, मोरङको ग्रामथानमा अध्यक्ष पदका लागि उपनिर्वाचन हुँदै छ । अध्यक्ष पदको मनोनयन दर्ताका लागि मुख्यनिर्वाचन अधिकृतको कार्यालयले राजनीतिक दलहरुलाई अलगअलग समय दिएको छ । कार्यालयले दिएको सयय अनुसार दलका उम्मेदवारले मनोनयन दर्ता गराउनुपर्ने छ ।

सहायक निर्वाचन अधिकृत रामराज पौडेलका अनुसार मनोनयन दर्ताका लागि जनमत पार्टीका लागि १०ः३० बजे , राष्ट्रिय प्रजातन्त्र पार्टी (राप्रपा)लाई ११ बजे, नागरिक उन्मुक्ति पार्टी (नाउपा)लाई ११ः३० बजे, राष्ट्रिय स्वतन्त्र पार्टी (रास्वपा)लाई १२ बजे तथा मंगोल नेशनल अर्गनाइजेसनलाई १२ः३० बजेको समय दिइएको छ । उम्मेदवारी दर्ताका लागि नेकपा (एमाले)लाई १ बजे नेपाली कांग्रेसलाई २ बजे, नेकपा (माओवादी केन्द्र)लाई २ः३० बजे, नेकपा (एकीकृत समाजवादी)लाई ३ बजे, र समावेशी समाजवादी पार्टीलाई ४ बजेको सय तोकिएको पौडेलले बताए ।

दलका लागि निर्धारण गरिएकोबाहेक अन्य समयमा अन्य राजनीतिक दल र स्वतन्त्र उम्मेदवारको मनोनयन दर्ता गरिने उनको भनाइ छ । ग्रामथानको अध्यक्षमा एमालेका तुलसीराम विश्वास, कांग्रेसका बलराम सरदार, माओवादीका नमोनारायण माझी, एकीकृत समाजवादीका दिलबहादुर विश्वकर्मा रास्वपाका नवीनकुमार विश्वास र राप्रपाका दिनेशकुमार (दिवेश) थन्दारको उम्मेदवारी पर्ने छ ।

ग्रामथानमा २६ हजार ४४ मतदाता छन् । यसअघि २०७९ मा कांग्रेसका जयप्रकाश गच्छदार अध्यक्ष निर्वाचित भएका थिए । उनको गत असार ३ गते निधन भयो । उनको निधनसँगै रिक्त भएको पदमा उपनिर्वाचन हुन लागेको हो ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.