परराष्ट्रमन्त्री राणा चीनको भ्रमणमा जाने

Share this
714shares
मुलुकी खबर
मुलुकी खबर
clock२०८१ मंसिर १०, सोमबार ०६:३२

काठमाडौं । परराष्ट्रमन्त्री डा. आरजु राणा देउवा चीन भ्रमणमा जाने भएकी छन् । मंसिर १३ गते उनी चीन जान लागेकी हुन् ।

प्रधानमन्त्री केपी शर्मा ओली मंसिर १७ गते चीन भ्रमणमा जाने बताइएको छ । त्यसको तयारीका लागि परराष्ट्रमन्त्री राणा चीन भ्रमणमा जान लागेकी हुन् । उनी आगामी बिहीबार सिधै बेइजिङ जाने कार्यक्रम तय भएको परराष्ट्र मन्त्रालय स्रोतले बतायो ।

राणाले जापानमा स्वास्थ्य उपचार गराएर उतैबाट चीन जाने तयारी गरेकी थिइन् । तर, चिकित्सकले समय नदिएको भन्दै जापान जाने कार्यक्रम स्थगित गरिएको छ । जापान नगइकन उनी बेइजिङ जाने छिन् ।

‘मन्त्रीज्यू स्वास्थ्य परीक्षण गर्न मंसिर १० गते जापान जाने कार्यक्रम तय भएको थियो। तर, डाक्टरको समय मिलेन । जापान जाने कार्यक्रम स्थगित भयो,’ उनीनिकट स्रोतले भन्यो । प्रधानमन्त्रीको चीन भ्रमणका क्रममा उठाइने विषयका बारेमा सरकारले आन्तरिक छलफल गरिरहेको छ।

परराष्ट्रमन्त्री राणाले प्रधानमन्त्री ओली बेइजिङ पुग्नुअघि समकक्षी वाङ यीलगायत चिनियाँ उच्च अधिकारीहरूसँग द्विपक्षीय बैठकमा उठाउने विषयका बारेमा छलफल गर्ने परराष्ट्र मन्त्रालय स्रोतले जनाएको छ। बेइजिङमा प्रधानमन्त्रीको भ्रमणमा हुने सम्झौतालगायतका विषयमा आवश्यक तयारी गर्न त्यसअघि नै राणा चीन जान लागेकी हुन् ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.