ग्रामथान पुग्यो निर्वाचन सामग्री

Share this
677shares
मुलुकी खबर
मुलुकी खबर
clock२०८१ मंसिर १३, बिहीबार २०:०५

विराटनगर । मोरङको ग्रामथान गाउँपालिकामा मंसिर १६ गते हुने उपनिर्वाचनको तयारी पूरा भएको मुख्य निर्वाचन अधिकृतको कार्यालयले जनाएको छ ।

ग्रामथान गाउँपालिकाको अध्यक्ष पदको उपनिर्वाचनका लागि आवश्यक निर्वाचन सामग्री सबै मतदानस्थलमा आज (बिहीबार) पुगेको निर्वाचन कार्यालयका सूचना अधिकारी रामराज पौडेलले जानकारी दिए ।

उनका अनुसार २८ जना मतदान अधिकृतहरुले मतपत्र बाहेक अन्य मतपेटिका, स्वस्तिक छाप, मतपेटिका स्टीकर, छेका बारालगायत आवश्यक पर्ने ४५ प्रकारका सामग्रीहरु बुझेर लगेका छन् ।

सबै मतदानस्थलमा कर्मचारी र सुरक्षाकर्मीहरु पुगीसकेका छन् । नेपाली काँग्रेसबाट विजयी भएका जयप्रकाश गच्छदारको मृत्यु भएपछि उपनिर्वाचन चुनाव हुने भएको हो ।

७ वटा वडामा २६ हजार ४४ मतदाता रहेको ग्रामथान गाउँपालिकामा १२ वटा मतदानस्थल र २९ वटा मतदान केन्द्र रहेका छन् ।

सुरक्षा व्यवस्था पनि चुस्तदुरुस्त पारिएको छ । मतपत्र बाहेक आवश्यक निर्वाचन सामग्री बुझेका मतदान अधिकृतहरुले शुक्रबार मात्रै मतपत्र बुझ्ने मुख्य निर्वाचन अधिकृत उद्धवप्रसाद भट्टराईले बताए ।

ग्रामथान गाउँपालिकामा १५ जना विभिन्न दलबाट र १ जना स्वतन्त्रसहित १६ जना उम्मेदवारहरु चुनावी मैदानमा छन् ।

नेपाली काँग्रेसका बलराम सरदार, एमालेका तुलसीराम विश्वास, माओवादी केन्द्रका नमोनारायण माझीबीच मुख्य चुनावी प्रतिस्पर्धा देखिएको छ ।

आज राति १२ बजेसम्म मात्रै प्रचारप्रसार गर्न पाइने भएकाले उम्मेदवारहरु अहिले पनि मत माग्न व्यस्त रहेका छन् ।

तपाइको प्रतिक्रिया
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.