
विरराटनगर । मोरङको ग्रामथान गाउँपालिकाको अध्यक्षमा नेकपा (माओवादी केन्द्र)का उम्मेदवार जितनजिक पुगेका छन् ।
पछिल्लो मत परिणाम अनुसार माओवादीका उम्मेदवार नमोनारायण माझीले ६ हजार २७६ मत पाएका छन् । उनका निकटमत प्रतिद्वन्द्वी नेपाली कांग्रेसका बलराम सरदारले ४ हजार ७९१ मत पाएका छन् । नेकपा (एमाले) तुलसीराम विश्वसाले ३ हजार २६६ मत पाएका छन् ।
ग्रामथानमा नमोनारायण माझीले दोस्रो स्थानमा रहेका कांग्रेस उम्मेदवारसँग १ हजार ४८५ मतको अग्रता बनाएका छन् । माओवादीका नेता कुलश लिम्बूले माझीको जित निश्चित भएपछि मतगणनास्थल आसपास कार्यकर्ताले खुसीयाली मनाइरहेको जानकारी दिए ।
ग्रामथानमा अब २ हजार ३८३ मत गणना हुन बाँकी छ । आइतबार भएको उपनिर्वाचनमा ग्रामथानमा १८ हजार ५७७ मत खसेको थियो । सोमबार बिहान साढे ७ बजेसम्म १६ हजार १९४ मत गणना भएको छ ।

























