
काठमाडौं । प्रहरी हिरासतमा रहेका राष्ट्रिय स्वतन्त्र पार्टीका सभापति रवि लामिछानेकी पत्नी निकिता पौडेलले आफूमाथि मिडिया ट्रायल भएको गुनासो गरेकी छन् ।
आफ्नो खाताबाट ठूलो रकमको कारोवार भएको समाचार प्रकाशित भएको गुनासो गर्दै उनले मिडिया ट्रायल भएको गुनासो गरेकी हुन् ।
सामाजिक सञ्जालमा स्स्टाटस लेख्दै पौडेलले ४ करोडमा किनेको घरको अहिलेसम्म किस्ता तिरिरहेको पनि बताएकी छन् ।
‘कुनै मिडियाले यति करोड, कुनैले उति करोड भनेर लेखेका छन् । मिडियाले धर्म नछोडेको भए बैंकिङ कारोवारको अंक सबैमा ठ्याक्कै एउटै हुनुपर्ने होइन र ?’ उनले लेखेकी छन् ।
आफूले सम्पूर्ण बैकिङ विवरण प्रहरीलाई बुझिसकेको भन्दै उनले संवेदनशील विषयमा मिडियामा संवेदनहीन विषय आएको उनको गुनासो छ ।


























