
विराटनगर । नेपाली कांग्रेस नेता शेखर कोइरालाले बेलायतको मिनी संसद(वेस्ट मिनिस्टर) मा सम्बोधन गर्ने भएका छन् । जनवरी १३ मा सम्बोधन गर्ने कार्यसूची छ । जसका लागि उनी जनवरी ९ मा बेलायत जादैछन् ।
बेलायतको एशिया मामला हेर्ने विदेश राज्यमन्त्री क्याथराइन वेष्ट र उद्योग व्यापार वाणिज्य मन्त्री ग्यारेथ थोमसको निमन्त्रणामा जान लागेका हुन् ।
बेलायतको मिनी संसद(वेस्ट मिनिस्टर) मा जनवरी १३ मा नेता कोइरालाले सम्बोधन गर्ने उनका स्वकीय सचिव दिनेशचन्द्र थपलियाले जानकारी दिए ।
संसदको त्यो कार्यक्रममा बेलायतका एशिया मामिला हेर्ने विदेश राज्यमन्त्री, उद्योग, व्यापार तथा बाणिज्य मन्त्रीका साथै वेलायती सांसदहरूको उपस्थिति रहने छ।

























