
काठमाडौं । नेकपा एमालेको केन्द्रीय कमिटी बैठकमा अध्यक्ष केपी शर्मा ओलीले पेश गरेको राजनीतिक प्रतिवेदनमा ६४ जना नेताहरुले टिप्पणी गरेका छन् ।
आइतबारबाट सुरु आठौं केन्द्रीय कमिटी बैठकमा अध्यक्षले राजनीतिक प्रतिवेदन पेश गरेका थिए । सो प्रस्तावमाथि सोमबारसम्म ६४ जना केन्द्रीय सदस्यले बोलेका हुन् ।
बोल्ने क्रम लम्बिएपछि केन्द्रीय कमिटी बैठक लम्बिएको छ । दुई दिन बस्ने भनिएपनि नेताहरूले बोल्न बाँकी रहेकाले भोलि पनि बैठक बस्नेछ ।
केन्द्रीय सदस्य गणेश पहाडीका अनुसार भूगोलका ६४ जना केन्द्रीय सदस्यले बोलका छन् ।
एमालेमा ३३१ सदस्यीय केन्द्रीय कमिटी छ ।
अध्यक्ष ओलीको राजनीतिक प्रतिवेदनमाथि बोल्नका लागि नेताहरुलाई तीन मिनेटको समय छुट्याइएको छ ।

























