
काठमाडौं । नेकपा (माओवादी केन्द्र) संसदीय दलको कार्यालय सिंहदरबारमा विपक्षी दलहरुको बैठक जारी छ ।
प्रमुख प्रतिपक्षी दल माओवादीको आह्वानमा विपक्षी दलहरु संयुक्त बैठकमा जुटेका हुन् । बैठकमा राष्ट्रिय स्वतन्त्र पार्टी (रास्वपा), नेकपा (एकीकृत समाजवादी), राष्ट्रिय प्रजातन्त्र पार्टी (राप्रपा), आम जनता पार्टी (आजपा) र नेपाल समाजवादी पार्टी (नेसपा)का नेताहरु बैठकमा सहभागी छन् ।
नेताहरुका अनुसार बैठकमा सरकारविरुद्धको रणनीतिबारे छलफल हुने तथा विपक्षी दलहरु मिलेर अघि बढ्ने प्रयास हुने छ । बैठकमा रास्वपाका डीपी अर्याल, एकीकृत समाजवादीका माधव कुमार नेपाल र बेदुराम भुसाल, राप्रपाका बुद्धिमान तामाङ, आजपाका अध्यक्ष प्रभु साह तथा नेसपाका महिन्द्रराय यादव र गंगानारायण श्रेष्ठ सहभागी छन् ।
माओवादी केन्द्रबाट अध्यक्ष प्रचण्ड, नारायणकाजी श्रेष्ठ, वर्षमान पुन र शक्ति बस्नेत सहभागी छन् । बैठकमा सरकारविरुद्धको रणनीतिबारे छलफल भइरहेको छ ।

























