
काठमाडौं । प्रमुख प्रतिपक्षी दल नेकपा माओवादी केन्द्रका नेता पुष्पकमल दाहाल ‘प्रचण्ड’ले प्रधानमन्त्री केपी शर्मा ओलीको राजीनामा माग गरेका छन् ।
विपक्षी ६ दलले गठबन्धनले आयोजना गरेको पत्रकार सम्मेलनका क्रममा प्रचण्डले ओलीको राजीनामा मागेका हुन् ।
उनको राजीनामा माग गर्नुअघि बसेको प्रतिपक्षी दलको गठबन्धाले सत्ता सञ्चालनको नैतिक आधार गुमाएको निष्कर्ष निकालेको थियो ।
शुक्रबार नेकपा माओवादी केन्द्र, नेकपा एकीकृत समाजवादी, रास्वपा, राप्रपा, नेसपा र राजमोको संयुक्त बैठकले गठबन्धनले सरकार सञ्चालनको नैतिक आधार गुमाएको बताए ।
‘संविधान संशोधन प्रधानमन्त्री आफैँले ०८७ मा मात्रै हुन्छ भनिसकेपछि र अन्य सुशासन आदि इत्यादिका बारेमा उल्टो गतिविधि गरिसकेपछि नैतिक रूपमा सरकारमा बस्ने आधार गुमाएको छ,’पत्रकार सम्मेलनका क्रममा माओवादी केन्द्रका अध्यक्ष प्रचण्डले भने,’नैतिकताको आधारमा सरकारले राजीनामा दिनु नै उचित हुन्छ । यसको अर्थ हामी सरकारमा जान खोजिएको भन्नु हुँदैन ।’

























