
काठमाडौं । मन्त्रीपरिषद् बैठकले प्रतिनिधिसभाको हिउँदे अधिवेशन माघ १८ बाट बोलाउनका लागि सिफारिस गर्ने निर्णय गरेको छ ।
सोमबार बसेको मन्त्रिपरिषदको बैठकले अधिवेशन आह्वानका लागि राष्ट्रपतिसमक्ष सिफारिस गर्ने निर्णय गरेको हो ।
संसद् अधिवेशन अन्त्य र आह्वान सरकारको सिफारिसमा राष्ट्रपतिले गर्ने संवैधानिक व्यवस्था छ । संघीय संसदको वर्षे अधिवेशन गत भदौ ३१ गते अन्त्य भएको थियो ।

























