
बाग्लुङ । पुराना वामपन्थी नेता एवं संविधानसभा सदस्य रामजीप्रसाद शर्माको निधन भएको छ ।
पूर्वराज्यमन्त्रीसमेत रहेका शर्माको ६८ वर्षको उमेरमा निधन भएको हो । लामो समयदेखि मिर्गौला सम्बन्धी समस्याबाट पीडित रहेका शर्माको उपचारका क्रममा भारतमा निधन भएको पारिवारिक स्रोतले बतायो ।
स्वास्थ्यमा थप समस्या भएपछि उनलाई उपचारका लागि भारत लगिएको थियो । लामो समय नेकपा (एमाले)को राजनीति गरेका शर्मा बागलुङका पुराना वामपन्थी नेता हुन् । संविधानसभामा बागलुङ निर्वाचन क्षेत्र नम्बर १ बाट शर्मा निर्वाचित भएका थिए ।
























