कोशीका सभामुख विष्ट र स्वीस सरकारका प्रतिनिधिबीच भेटवार्ता

Share this
782shares
मुलुकी खबर
मुलुकी खबर
clock२०८१ फागुन ४, आइतबार १७:५९

विराटनगर । कोशी प्रदेशसभाका सभामुख अम्बरबहादुर विष्ट र स्वीस सरकारका प्रतिनिधिबीच आइतबार भेटवार्ता भएको छ ।

भेटवार्ता सभामुखको कार्यकक्षमा भएको हो । स्वीस सरकारका प्रतिनिधि हेड अफ कर्पोरेसन म्याथिस मेयर र सल्लाहकार नवीन वाग्लेसहितको प्रतिनिधिमण्डलले सभामुखलाई भेटेको छ ।

भेटवार्तामा स्वीस सरकारका प्रतिनिधिले कोशी प्रदेशसभा सञ्चालनदेखि कानुन निर्माणको सम्भावना र चुनौतीसम्मका विषयमा जानकारी लिएका थिए । प्रदेश सरकारले ७ वर्ष पूरा गरेको अवसरमा शुभकामना व्यक्त गर्दै उनीहरूले संघीयता कार्यान्वयनका लागि स्वीस सरकार सहयोगी बन्ने पनि बताएका छन् ।

सभामुख विष्टले संघीयता कार्यान्वयन भइसकेपछि सुरु भएको प्रदेशसभाबाट हालसम्म ७५ वटा विधेयक पारित भएको जानकारी गराए । प्रदेशसभाको पहिलो कार्यकालमा ६२ वटा विधेयक पारित भएको र राजधानी टुंगो लगाउने काम भएको बताउँदै उनले दोस्रो कार्यकालमा १३ वटा विधेयक पास गरेको र नामकरण सकिएको जानकारी दिए ।

नेपालको संविधानले उठाएको समावेशी सहभागिता अनुरूप सदनमा ३३ प्रतिशतभन्दा बढी महिला सहभागिता रहेको विष्टले बताए । तथापि, प्रदेशको आफ्नै भौतिक संरचना बन्न नसकेको अवस्थाबारे जानकारी दिँदै उनले प्रदेशसभा सदस्यहरूलाई अभिमुखीकरणको आवश्यकता रहेको पनि औंल्याए ।

यस्तै, उपसभामुख सिर्जना दनुवारले कानुन निर्माणका लागि स्वीस सरकारले गरेको सहयोग र सहकार्यको प्रशंसा गर्दै आगामी दिनमा थप सहयोगको अपेक्षा रहेको सुनाइन् । कोशी प्रदेशसभा सदस्यहरूले सदनमा सबै विषय उठान गर्न नसकिरहेको बताउँदै उनले सांसदको क्षमता अभिवृद्धि गर्न तालिम आवश्यक रहेको र त्यसमा स्वीस सरकारको सहयोग चाहिएको बताइन् ।

दुई पक्षीय भेटवार्तामा कोशी प्रदेशसभाका कार्यवाहक सचिव गौतमराज अमात्य, प्रदेशसभा सचिवालयका सूचना अधिकारी निरोज ढकाललगायत उपस्थित थिए ।

तपाइको प्रतिक्रिया
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.