मधेशी जनताको मुक्तिको जिम्मा माओवादीले लिन्छ : प्रचण्ड

Share this
688shares
मुलुकी खबर
मुलुकी खबर
clock२०८१ फागुन १८, आइतबार ११:४४

धनुषा । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले मधेशी जनताको मुक्तिको जिम्मा पार्टीले लिने प्रतिबद्धता जनाएका छन् ।

धनुषाको कमला नगरपालिका–३ पर्सामा आइतबार बिहान आयोजित सहिद परिवार सम्मान तथा जनभेटघाट कार्यक्रममा उनले अब आफूलाई मधेशको मसिहा ठान्ने दलबाट मधेशी जनताको मुक्ति सम्भव नरहेको दाबी गरे । ‘मधेशी दलबाट मधेशी जनताको मुक्ति सम्भव छैन । अब त्यसको जिम्मा माओवादीले लिन्छ,’ प्रचण्डले भने ।

मधेशकै मुक्तिको जिम्मा लिने प्रतिबद्धता व्यक्त गर्दै उनले पार्टीका सबै पदाधिकारी अहिले मधेशमा रहेको र मधेशी पोसाकमै प्रस्तुत भएकाले पोसाक मात्रै नभइकन मन पनि मधेशमा छ भन्ने प्रष्ट पार्न खोजिएको दाबी गरे । मधेशीलगायत देशका उत्पीडित समुदायको अधिकार र पहिचान स्थापित गर्न सबभन्दा बढी त्याग माओवादीले गरेको उनको जिकिर छ ।

‘महिला, जनजाति, दलित, मधेशी, मुस्लिम, थारुलगायत उत्पीडित जनताको मुक्तिका लागि हजारौं सहिदले बलिदानी गरेका छन्,’ प्रचण्डले भने, ‘मधेशी जनताको मुक्तिका लागि १ हजार ३ सय मधेशी जनताका छोराछोरीले जनयुद्धमा बलिदान गरेका छन् ।’ मधेशी जनताको मुक्तिका लागि सबैभन्दा धेरै बलिदान गरेको माओवादीकै विषयमा अनेक प्रकारका भ्रम सिर्जना गर्ने प्रयास भइरहेको उनको भनाइ छ ।

अब माओवादीविरुद्धको भ्रम च्यातेर माओवादी र मधेशी जनताबीच दह्रो एकता कायम गर्ने प्रयास भइरहेको उनले बताए । मधेशी जनताको मुक्तिका लागि मधेशी राष्ट्रिय मुक्ति मोर्चा गठन गरेर मधेशी जनतामा जागरणको लहर ल्याउने, मधेश स्वायत्त जनसरकारमार्फत संघीयताको व्यवहारिक अभ्यास गर्ने, संविधानमार्फत संघीयत, समानुपातिक र समावेशी प्रतिनिधित्व स्थापित गर्ने, गणतन्त्र नेपालको पहिलो राष्ट्रपतिको रुपमा रामराजाप्रसाद सिंहलाई अघि सार्ने र मधेशको विकासमा प्राथमिकताका साथ बजेट विनियोजन गर्ने लगायत महत्त्वपूर्ण काम माओवादीले नै गरेको प्रचण्डको दाबी छ ।

तपाइको प्रतिक्रिया
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.