एमाले मोरङको अधिवेशन : बल्ल सुरु भयो मतगणना

Share this
776shares
मुलुकी खबर
मुलुकी खबर
clock२०८१ फागुन २२, बिहीबार १५:२६

विराटनगर । नेकपा (एमाले) मोरङको १० औं अधिवेशनअन्तर्गतको मतगणना सुरु भएको छ । आज (बिहीबार) बिहान ८ बजेपछि सुरु गर्ने भनिएको मतगणना दिउँसो ३ बजेबाट सुरु भएको हो ।

निर्वाचन समितिले प्राविधिक समस्याका कारण समयमा मतगणना सुरु हुन नसकेको जनाएको छ । मतगणना एमाले मोरङको पार्टी कार्यालय पाञ्चालीमा भइरहेको छ । पदाधिकारी र सदस्यको एकैपटक गणना सुरु भएको प्रमुख निर्वाचन अधिकृत सुरेशलाल श्रेष्ठले जानकारी दिए ।

उनका अनुसार नसकिएसम्म मतगणनालाई निरन्तरता दिइने छ । एमालेको जिल्ला नेतृत्व टुंगो लगाउन बुधबार विराटनगरको होटल मनास्लु इन मतगणना भएको थियो । त्यहाँबाट गणनाका लागि मतपेटिका बुधबार राति नै पार्टी कार्यालय पुर्याइएको थियो ।

मतगणना सकिनसाथ मतपरिणाम सार्वजनिक गरिने श्रेष्ठले बताए । मतदानमा ८ सय ८८ त खसेको छ । ९ सय ११ जना प्रतिनिधिमध्ये २३ जना अनुपस्थित रहे ।

एमाले मोरङको १० औं जिल्ला अधिवेशन फागुन १७ गतेबाट सुरु भएको हो। नयाँ नेतृत्व चयनका लागि मतदान गर्नुपर्ने भएपछि सोमबार सक्ने भनिएको अधिवेशन विभिन्न कारणले लम्बियो ।

एमाले मोरङको नयाँ जिल्ला कमिटी ५ पदाधिकारीसहित १ सय ६५ सदस्यीय हुने छ । तीमध्ये ७१ जना सदस्य निर्विरोध निर्वाचित भइसकेका छन् । निर्विरोध भएबाहेकको पदका लागि निर्वाचन भएको हो ।

अधिवेशनमा संस्थापन पक्षबाट अध्यक्षमा राजकुमार ओझा, उपाध्यक्षमा शान्ति लिम्बू भुजेल, सचिवमा रविन थापा, उपसचिवमा शिल्पा निराला कार्की र ईजालाल राजवंशीको उम्मेदवारी परेको थियो ।

इतर पक्षबाट अध्यक्षमा अजम्बर राई, उपाध्यक्षमा सागर थापा, सचिवमा सोमराज थापा, उपसचिवमा सन्तोष वान्तवा र उषा झा छन् ।

तपाइको प्रतिक्रिया
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
© 2024 Muluki Khabar. All Rights Reserved. Design & Develop By: Indesign Media Pvt. Ltd.