
काठमाडौं । पाेखराबाट पूर्वराजा ज्ञानेन्द्र शाह आज काठमाडौं फर्कँदैछन् । माघ २७ गते पोखरा पुगेका शाह करिब एक महिना लामो पाेखरा बसाईपछि आज काठमाडाैं फर्कन लागेका हुन् ।
उनी फर्कनेभएपछि राजावादीहरुले उनलाई भब्य स्वागत गर्ने तयारी गरेका छन् । राप्रपा, दुर्गा प्रसाईको समूहसहित राजावादीहरुले उनको स्वागत गर्न लागेका हुन् ।
ज्ञानेन्द्रको स्वागतका लागि शक्ति प्रदर्शन हुनेपछि काठमाडौंमा सुरक्षा सतर्कता उच्च बनाइएको छ ।
पोखरामा शाह १ साताजति रुपाकोट रिसोर्ट बसेका थिए ।बाँकी समय उनी माउन्ट ग्लोरी रिसोर्टमा बसे । पोखरा बसाइका क्रममा उनले विन्ध्यवासिनी मन्दिर, बागलुङ कालिका, गलेश्वरधाम, पोखराकै केदारेश्वर मन्दिरको दर्शन र पूजाअर्चना गरे ।
पोखराकै वीरेन्द्रचोकमा डेढ वर्षअघि निर्माण गरिएको पूर्वराजा विरेन्द्रको सालिक पनि उनले अनावरण गरेका थिए ।
























