
विराटनगर । प्रधानमन्त्री केपी शर्मा ओली आज दिनभर मोरङमा रहने भएका छन् । दुई वटा कार्यक्रममा सहभागी हुन उनी साढे १० बजे हेलिकप्टर मार्फत मोरङको सुन्दरहरैंचा स्थित पूर्वाञ्चल विश्वविद्यालय परिसरमा आउनेछन् ।
साढे ११ बजे विश्वविद्यालय परिसरमा निर्माण भएको गिरिजा प्रसाद कलेज अफ एग्रिकल्चर रिसर्च शैक्षिक भवनको उद्घाटन गर्नेछन् । त्यस लगतै पूर्वाञ्चल विश्वविद्यालय कलेज अफ हेल्थ एण्ड साइन्स शैक्षिक भवनको उद्घाटन गर्नेछन् ।
दिउँसो १२ बजेबाट पूर्वाञ्चल विश्वविद्यालयको ४० औं विशेष सभा बैठक तथा १३ औं दीक्षान्त समारोहमा सहभागी हुनेछन् । दिउँसो साढे २ बजे कोशी प्रदेशसभालाई सम्बोधन गरेर उनी साढे ४ बजे हेलिकप्टर मार्फत काठमाडौं फर्कने कार्यसूची छ ।
























