
विराटनगर । प्रधानमन्त्री केपी शर्मा ओलीले राजनीतिक व्यवस्थासँगै अवस्था पनि परिवर्तन भएको बताएका छन् ।
कोशी प्रदेशको प्रदेशसभा बैठकलाई सम्बोधन गर्दै उनले के भएन भन्ने भाष्य गलत भएको दाबी गरे । उनले जनताको अवस्था पनि सुधार भएको बताएका हुन् ।
उनले कृषिको क्षेत्रमा ध्यान नपुगेको बताए । कृषिलाई विकास र समृद्धिको आधार बनाउने योजना रहेको उनको भनाइ छ ।आधारभूत आवश्यकता पूरा गरी गरिबी हटाएर समृद्धिको बाटोमा लाग्न खोजेको ओलीले बताए ।
कृषि, पर्यटन, व्यापारसहित बृहत् क्षेत्रमा काम गरिरहेको बताए । उनले उद्यमशीलताको विकासका लागि ध्यान दिइरहेको बताए । सरकारी जागिर थोरैले प्राप्त गर्ने बताउँदै उनले उद्यमशीलतामा जोड दिइरहेको उल्लेख गरे ।
प्रधानमन्त्री ओलीले गरेको सम्बोधनको प्रत्यक्ष प्रशारण मुलुकी खबरबाट भइरहेको छ ।
























