राजावादीको अराजकतामा राप्रपाको समर्थन, मिश्र र राणालाई छाड्न अल्टिमेटम

Share this
744shares
मुलुकी खबर
मुलुकी खबर
clock२०८१ चैत १६, शनिबार १९:३३

काठमाडौं । राष्ट्रिय प्रजातन्त्र पार्टी (राप्रपा) राजावादीको अराजक प्रदर्शन र पत्रकार मारिएको घटनामा राजावादीकै पक्षमा उभिएकाे छ ।

शुक्रबार काठमाडौंको तीनकुनेबाट सुरु भएको राजावादीको अराजक प्रदर्शनका क्रममा प्रदर्शनकारीले  व्यक्तीको घरमा आगो लगाउँदा रिपोर्टिङमा खटिएका एभिन्युज टेलिभिजनका पत्रकार सुरेश रजक मारिएका थिए । सोही घटनामा प्रहरीले चलाएको गोली लागेर एक जना प्रदर्शनकारीको मृत्यु भएको थियो ।

राजावादीले पत्रकारलाई थुनेर आगो लगाएपछि विभिन्न स्थानमा आगजनी, तोडफोड र लुटपाट मच्चाएका थिए । राजतन्त्र पक्षले अराजक र अमानवीय गतिविधी गर्दा राजेन्द्र लिङ्देन नेतृत्वकाे राप्रपा राजावादी कै पक्षमा उभिएकाे हाे ।

राजावादीको प्रदर्शन हिंसात्मक बन्नुमा सरकारकै दोष रहेको राप्रपा अध्यक्ष राजेन्द्र लिङदेनले बताए । शनिबार बसेको पार्टीको कार्यसम्पादन समितिको बैठकपछि सञ्चारकर्मीसँग कुराकानी गर्दै अध्यक्ष लिङ्देनले आन्दोलन भड्किनुमा सरकार दोषी रहेको बताएका हुन् ।

तीनकुनेमा राजावादीको आन्दोलन भड्काएको आरोपमा राप्रपा वरिष्ठ उपाध्यक्ष रवीन्द्र मिश्र र महामन्त्री डा. धवलशमशेर राणा शुक्रबार नै पक्राउ परेका थिए ।

राप्रपाले २४ घण्टाभित्र उनीहरुलाई रिहा गर्न सरकारलाई अल्टिमेटम दिएको छ । उपाध्यक्ष र महासचिवलाई रिहा नगरे देशभर विरोधका कार्यक्रम गर्ने लिङदेनले चेतावनी दिए ।

पक्राउ परेका नेता मिश्र र राणा तोडफोड र आगजनीमा कतै पनि संलग्न नरहेको उनकाे दाबी छ । शुक्रबार मृत्यु भएका दुवैलाई शहीद घोषणा र उचित क्षतिपूर्ति दिन राप्रपाले माग गरेको छ ।

तपाइको प्रतिक्रिया
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
© 2024 Muluki Khabar. All Rights Reserved. Design & Develop By: Indesign Media Pvt. Ltd.