प्रेस सेन्टरको अध्यक्षमा कमल गिरी निर्वाचित

Share this
726shares
मुलुकी खबर
मुलुकी खबर
clock२०८१ चैत १८, सोमबार ०८:५५

काठमाडौं । नेकपा (माओवादी केन्द्र)निकट पत्रकारहरुको संगठन प्रेस सेन्टर नेपालको अध्यक्षमा कमल गिरी निर्वाचित भएका छन् ।

प्रेस सेन्टरको नेतृत्व चयनका लागि मतदान भएको थियो । अन्तिम मतपरिणाम अनुसार ३ सय ६६ मत ल्याएर अध्यक्षमा गिरी विजयी भएका हुन् । उनका प्रतिस्पर्धी दीपेन्द्र रावलले १ सय ७५ मत मात्रै पाए । यसअघि गिरी वरिष्ठ उपाध्यक्ष र रावल उपाध्यक्ष थिए ।

सेन्टरको वरिष्ठ उपाध्यक्षमा सुरेशचन्द्र अधिकारी ३ सय ९७ मतका साथ विजयी हुँदा उनका प्रतिस्पर्धी सुदीप बर्देवा १ सय ११ मतमा रोकिए । सेन्टरको महासचिवमा मनोज घर्तीमगर ३ सय ७९ मत ल्याएर विजयी हुँदा प्रतिस्पर्धी दीपेन्द्र शर्माले १ सय ४५ मत मात्रै पाए ।

उपाध्यक्ष खुलामा रामसिंह ठगुन्ना, लक्ष्मण खड्का तथा विवेक गौतम, उपाध्यक्ष महिलामा शान्ता अधिकारी र उपाध्यक्ष समावेशीमा दीपक श्रेष्ठ निर्विरोध निर्वाचित भएका छन् । उपमहासचिव महिलामा लक्ष्मी आचार्य, उपमहासचिव दलितमा हरिश विक, उपमहासचिव मधेशीमा अनिल मिश्र, उपमहासचिव आदिवासी जनजातिमा बुद्ध लोप्चन निर्विरोध निर्वाचित भए ।

यस्तै, उपमहासचिव खुलामा ज्ञानप्रसाद पौडेल १ सय ६५ मतका साथ विजयी हुँदा निकटतम प्रतिस्पर्धी बोमलाल गिरीले १ सय ५६ मत पाए । खुला सचिवमा सुरेन्द्र चालिसे र सन्तोष देउजा तथा सचिव महिलामा अञ्जली थापा र सचिव समावेशीमा अवतार राई निर्वाचित भएका छन् ।

प्रदेशबाट निर्वाचित हुने सचिवमा कोशी प्रदेशबाट दीपेन्द्रकुमार राई, मधेश प्रदेशबाट सुनिता बराल, बागमती प्रदेशबाट मीनकुमार दाहाल, गण्डकी प्रदेशबाट दीपक भट्टराई, लुम्बिनी प्रदेशबाट मानसिंह विक, कर्णाली प्रदेशबाट गाणेशकञ्चन भारती र सुदूरपश्चिम प्रदेशबाट राजेन्द्र अवस्थी निर्विरोध निर्वाचित भएका छन् । भूगोलबाहेक उपत्यका प्रदेशबाट नवराज दाहाल, प्रतिष्ठान प्रदेशबाट केशव भुल र एशोसिएट प्रदेशबाट नन्दलाल तिवारी निर्विरोध निर्वाचित भएका छन् ।

कोषाध्यक्षमा भएको निर्वाचनमा वसन्त गिरी निर्वाचित भएका छन् । पदाधिकारीबाहेक प्रदेशबाट आउने केन्द्रीय सदस्य, आरक्षणबाट आउने केन्द्रीय सदस्य, विभिन्न आयोगका पदाधिकारी एवं सदस्य पनि निर्विरोध निर्वाचित भएका छन् ।

२९ जनाको पदाधिकारीमा अध्यक्ष, वरिष्ठ उपाध्यक्ष तथा महासचिवसहित विभिन्न १२ पदका लागि निर्वाचन भएके थियो । १७ जना पदाधिकारी निर्विरोध निर्वाचित भएका छन् ।

प्रेस सेन्टरको लेखा समिति संयोजकमा अमृतराज तिवारी र सचिवमा भीम राई तथा अनुशासन समिति संयोजकमा गुनाराम घिमिरे र सचिवमा कृष्ण लेकाली निर्विरोध निर्वाचित भएका छन् । अधिवेशनमा ८ सय २१ जना प्रतिनिधि रहेकोमा ५ सय ५१ मत खसेको निर्वाचन समितिले जनाएको छ ।

 

 

तपाइको प्रतिक्रिया
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
भन्सार छली सुन लैजान खोज्ने चिनियाँ नागरिक पक्राउ
खराब मौसमले विराटनगरका बिहानका सबै उडान रद्द, सयौँ यात्रु प्रभावित
इनम सापकोटा प्रकरणमा सरकारको अनुसन्धानमाथि पोखरेलको प्रश्न
कनकाईमा आगजनीबाट दुई कुन्यूको धान र पराल नष्ट
एकै महिनामा १२ हजारभन्दा बढी चालक कारबाहीमा
© 2024 Muluki Khabar. All Rights Reserved. Design & Develop By: Indesign Media Pvt. Ltd.