
काठमाडौं । प्रतिनधिसभाको बैठकमा एमाले सचिव तथा प्रतिनिधिसभा सदस्य योगेश भट्टराईले पूर्वराजा ज्ञानेन्द्र शाहले लफङ्गाहरूलाई माला लगाएर जनताको घर जलाउन पठाएको आरोप लगाएका छन् ।
सोमबार प्रतिनिधिसभाको विशेष समयमा बोल्दै एमाले भट्टराईले दुर्गा प्रसाईंप्रति लक्षित गर्दै लफंगाहरूलाई माला लगाएर पूर्वराजाले जनताको घर जलाउन पठाएको आरोप लगाएका हुन् । पूर्वराजा शाहले निर्मल निवासमा बसेर सम्झौता भंग गरेकाले अब राज्यले पूर्वराष्ट्राध्यक्षका रूपमा दिएको सेवासुविधा दिन दिन नहुने उनले बताए ।
‘पूर्वराजा ज्ञानेन्द्रले लफङ्गाहरूलाई माला लगाएर जनताको घर जलाउन पठाउनुभयो,’ भट्टराईले भने, ‘उहाँलाई सम्झौता गरेर नारायणहिटीबाट निर्मल निवासमा पठाउँदा पूर्वराष्ट्राध्यक्षको रूपमा सेवा सुविधा दिइएको हो । त्यो सम्झौता निर्मल निवासमा बसेर भंग गर्नुभयो । अब उहाँलाई सुविधा दिन आवश्यक छ कि छैन । सोच्नुपर्छ ।’
























