
विराटनगर । राजावादी समूहले भारतको एउटा पक्षको उक्साहटमा आन्दोलन गरिरहेको नेकपा (एकीकृत समाजवादी)का महासचिव घनश्याम भूसालले आरोप लगाएका छन् ।
एकीकृत समाजवादी मोरङको नवौं जिल्ला अधिवेशनलाई मंगलबार सम्बोधन गर्दै भूसालले यस्तो बताएका हुन् ।
उनले राजावादीहरु मुलुकमा आतंक फैलाउने र आतंकित तुल्याएर समाजलाई नियन्त्रणमा लिने षड्यन्त्रमा लागेको बताए । भारतीय पक्षले नेपाललाई अस्थिर बनाउन प्रयास गरिरहेको उनको आरोप छ ।
‘भारतीय सत्तामा जो भए पनि उसको ध्येय नेपाललाई अस्थिर बनाइराख्ने हो त्यो अस्थिरताको आडमा फाइदा लिइरहने भन्ने हो,’ उनले भने ।

























