
काठमाडौं । राष्ट्रिय स्वतन्त्र पार्टीले सभापति रवि लामिछानेमाथि प्रहरी ज्यादती भएको भन्दै राष्ट्रिय मानवअधिकार आयोगको ध्यानाकर्षण गराएको छ ।
रास्वपाका कार्यवाहक महामन्त्री कविन्द्र बुर्लाकोटी लगायतका नेताहरू आज आयोग कार्यालयमा पुगेर शुक्रबार लामिछानेलाई पक्राउ गर्ने क्रममा प्रहरीले ज्यादती गरेको जनाएका हुन् ।
सभापति लामिछानेमाथि भएको प्रहरी ज्यादती र मानवअधिकार हननको घटनाविरुद्ध पार्टीका तर्फबाट आयोगमा निवेदन दिइएको रास्वपाले जनाएको छ ।
तुल्सीपुर उच्च अदालतको आदेशपछि शुक्रबार लामिछानेलाई पक्राउ गर्ने क्रममा न्यायिक प्रक्रिया नपुर्याइएको र प्रहरी अधिकृतले अपमानजनक व्यवहार र शब्द प्रयोग गरेको आरोप रास्वपाले लगाएको छ ।
























