दुर्गा प्रसाईंलाई झापा ल्याइयो, काठमाडौं लैजाने तयारी

Share this
728shares
मुलुकी खबर
मुलुकी खबर
clock२०८१ चैत २९, शुक्रबार ११:०४

विराटनगर । काठमाडौंको हिंसात्मक प्रदर्शनपछि भारततिर भागेका राजावादी आन्दोलनका कमाण्डर दुर्गा प्रसाईंलाई पक्राउ गरेर झापा ल्याइएको छ ।

भारतबाट पक्राउ परेका उनलाई काँकडभिट्टा नाका हुँदै झापा ल्याइएको हो । उनलाई भद्रपुर विमानस्थल हुँदै काठमाडौं लैजाने तयारी प्रहरीले गरेको छ । प्रसाईंलाई कडा सुरक्षाबीच झापा ल्याइएको थियो ।

नेपाल प्रहरी र सशस्त्र प्रहरीले स्कर्टिङ गरेका थिए । प्रसाईंलाई पक्राउ गर्न नेपाल प्रहरीको विशेष ब्युरो, काठमाडौं उपत्यका अपराध अनुसन्धान कार्यालयको टोली भारत पुगेको थियो । भारतको आसाम राज्यमा बिहीबार पक्राउ परेका उनको बारेमा प्रहरीले विस्तृत जानकारी दिएको छैन ।

पक्राउ परिसक्दा पनि नेपाल प्रहरीले जानकारी नभएको बताएको थियो । रजसंस्था पुनर्स्थापनाका लागि भन्दै संयुक्त जनआन्दोलन परिचालन समितिले तीनकुनेमा चैत १५ गते गरेको प्रदर्शन हिंसात्मक बन्दा १ जना पत्रकारसहित २ जनाको मृत्यु भएको थियो ।

अराजक बनेका प्रदर्शनकारीले निजी र सार्वजनिक सम्पत्तिमा तोडफोड एवं आगजनी गरेका थिए । प्रदर्शन हिंसात्मक बनेपछि प्रहरीलाई नै पेलेर गाडी चलाउँदै अघि बढेका प्रसाईं एकाएक सम्पर्कविहीन बने ।

पक्राउ परिसकेपछि उनी भारतमा लुकिछिपी बस्दै आएको खुलेको छ । प्रसाईंले भने सामाजिक सञ्जालबाट भिडियो पोस्ट गर्दै आफू फरार नरहेको बताउँदै आएका थिए ।प्रसाईंलाई काठमाडौं लगेर संगठित अपराध, राज्यविरुद्धको कसुर, अपराधिक उपद्रवलगायतका अभियोगमा अनुसन्धान गर्ने प्रहरीको तयारी छ ।

तीनकुने प्रदर्शनका बेला उनले प्रहरी अधिकारीहरुलाई नै किच्याउने गरी गाडी हाँकेका थिए । यस्तोमा उनीविरुद्ध ज्यान मार्ने उद्योग गरेको कसुरमा पनि मुद्दा चल्न सक्ने प्रहरी अधिकारीहरुको भनाइ छ । यद्यपि, घटनाको प्रकृति हेर्दा ज्यान मार्ने उद्योगको कसुर भने ठहरिने देखिँदैन ।

प्रसाईंलाई अहिले भने जिल्ला प्रहरी कार्यालय झापाको हिरासतमा राखिएको छ । उनलाई बिहान ११ः३० बजे बुद्ध एअरको जहाजमार्फत काठमाडौं लैजाने तयारी । भारतको आसाम राज्यमा उनी फेला परेका थिए । प्रसाईंको सचिवालयले भने आसाम प्रहरीमा उनी आफैंले आत्मसमर्पण गरेको दाबी गरिरहेको छ ।

तपाइको प्रतिक्रिया
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
अस्पतालको आशामा जग्गा दिए, नबनेपछि मुख्यमन्त्री कार्यालय अगाडि आमरण अनशन
भुटानी शरणार्थी र राजनीतिक बन्दीको विषय उठाउन आग्रह
© 2024 Muluki Khabar. All Rights Reserved. Design & Develop By: Indesign Media Pvt. Ltd.