
काठमाडौँ । नेपाली कांग्रेसका नेता डा. शेखर कोइरालाले संविधान पुनरावलोकन गर्न ढिलाइ भए सडक अझै आक्रोशित हुने बताएका छन्। आज (शनिबार) काठमाडौंमा आयोजित एक कार्यक्रमलाई सम्बोधन गर्दै उनले यस्तो बताएका हुन् ।
राजनीतिमा अहिले धेरै कुराहरू रहेको भएपनि सरकारले विशेष ध्यान दिएर अघि बढ्नुपर्ने सुझाव कोइरालाले दिए । अहिले कांग्रेस र एमाले सम्मिलित सरकार रहेकाले सरकारका काम कारबाहीमा कांग्रेसले खबरदारी गर्नुपर्ने उनको भनाइ छ ।
एमाले नेपाली कांग्रेसका लागि भविष्यको पनि प्रतिस्पर्धी भएकाले सोचेर अघि बढ्न जरूरी रहेको नेता कोइरालाले बताए । संविधान पुनरावलोकन, सुशासन कायम गर्न र भ्रष्टाचार नियन्त्रण गर्न नसके जनता अझै आक्रोशित हुने उनको भनाइ छ ।
























